The Secret of Freshness

+374 10 51 11 21, +374 10 58 81 10 info@esthenature.am

Hair Out lotion

6.900 AMD

ԼՈՒԾՈՒՅԹ ՆԵՐԱՃԱԾ ՄԱԶԵՐԻ ԴԵՄ

Նկարագրություն

Անցանկալի մազերի հեռացման հայտնի ձևերը, ինչպիսիք են օրինակ սափրելը, խեժի, ունելու կամ էլեկտրաէպիլյացիայի միջոցով հեռացումը, շատ հաճախ գրգռում են մազապարկը` առաջացնելով բշտեր կամ ներաճած մազեր:
Մազը ներաճում է անկյան տակ, երբ սափրելուց հետո ոլորվում է և կրկին ներաճում է մաշկի տակ դեմքի, ծնոտի, թևատակերի, ցայլքի և ոտքերի հատվածներում:
Սափրելուց մաշկի վրա գոյացած բշտերը տգեղ պալարներ և պզուկներ են դառնում, որոնք կարող են հանգեցնել բակտերիալ վարակի: Առաջանում է քոր, այրոց, սափրվելը դառնում է դժվար, ցավոտ և երբեմն էլ` անհնար:
Ոչ բոլոր կանանց և տղամարդկանց է հաջողվում մաքուր սափրվել: Հատկապես կոշտ և գանգուր մազեր ունեցողների մոտ կարող են առաջանալ ներաճած մազեր: Սափրելն էլ հերթին օժանդակում և պատճառ է դառնում ներաճած մազերի առաջանալուն` ՙսրելով՚ մազի ազատ ծայրը: Խորքից կտրած մազերը աճելով ծակում են մազապարկը, կամ հետ են ոլորվում, կրկին ներաճելով մաշկի մեջ` առաջացնելով օտար մարմնի ռեակցիա և հեշտ վնասվող բշտեր:
ՀԱՏԿՈՒԹՅՈՒՆՆԵՐԸ
HAIR OUT լուծույթը հատուկ մշակված բանաձև է, որը մաշկը փափկացնելու հետ մեկտեղ վերականգնում է առողջ տեսքը:
Կանոնավոր կիրառելու դեպքում HAIR OUT-ը արդյունավետ և հուսալիորեն վերացնում է տհաճ բշտիկները, ներաճած մազերը և այրոցը, որոնք առաջացել են խեժով, ածելիով և էլեկտրէպիլացիայով մազահանությունից հետո:
Ալանթոինը օգնում է թեթևացնել մաշկի խիստ գրգռված վիճակը: Որպես բջիջների բազմացումը և էպիթելացումը խթանող միջոց, արագացնում է նոր, առողջ մաշկի առաջացման գործընթացը: Նվազեցնում է մաշկի գրգռվածությունը, ածելու պատճառով առաջացած բշտերով և ներաճած մազերով ախտահարված ամբողջ մակերեսի կարմրությունն ու բորբոքվածությունը` վերականգնելով մաշկի առողջ և գեղեցիկ մակերևույթը:
Լայն սպեկտրի հականեխիչ և հակագրգռիչ ազդեցության շնորհիվ տրիկլոզանը գերազանց միջոց է վնասված և գրգռված մաշկի բուժման համար: Հատկապես օգտակար է ախտահարված և զգայուն մաշկի համար:
Կիրառելուց անմիջապես հետո լուծույթը վերացնում է մաշկի վրա գոյացած բշտերի պատճառած քորը և այրոցը:
Արդյունքն ակներև է դառնում 24 — 48 ժամվա ընթացքում:
Թեթև արտահայտված խցանումների դեպքում HAIR OUT լուծույթն իր հակաբակտերիալ և թեփազատիչ հատկությունների շնորհիվ վերացնում է սև և սպիտակ կորյակները պատող նուրբ թաղանթը: Ինչպես նաև չորացնում է պզուկները (բշտերն ու թարախապալարները) և նպաստում արագ լավացմանը: Կատարյալ միջոց է ճարպոտ մաշկի համար:
ՕԳՏԱԳՈՐԾՄԱՆ ԵՂԱՆԱԿԸ
Նախքան մազերի հեռացումը
Սափրելուց կամ խեժով մազահեռացումից երկու-երեք օր առաջ առավոտյան և երեկոյան HAIR OUT լուծույթը քսել մշակվող հատվածներին:
Մազերի հեռացումից հետո
Լուծույթով ցողել ոտքերի և թևատակերի վնասված մակերեսը, լոսյոնով թրջված բամբակով կամ մատների ծայրով լուծույթը նրբորեն տարածել դեմքի, վզի և ցայլքի հատվածի ախտահարված մաշկի վրա: Մաշկը հարթ պահելու համար օգտագործել օրական մեկ անգամ:
Ցուցված է տղամարդկանց դեմքի և վզի, իսկ կանանց ոտքերի, ցայլքի, թևատակերի և դեմքի համար:
ՆԱԽԱԶԳՈՒՇԱՑՈՒՄ
ԽՈՒՍԱՓԵԼ ԱՉՔԵՐԻ ՄԵՋ ՆԵՐԹԱՓԱՆՑԵԼՈՒՑ
Այս միջոցը կարող է լուծել հագուստի ներկը: Հեռու պահել գունազգայուն գործվածքներից:
Լուծույթի կիրառուցից հետո առնվազն 48 ժամվա ընթացքում չօգտագործել որևէ հղկող միջոց կամ սկրաբ:
Հեղուկն ունի թեփազատող հատկություն և կարող է ձեռքերի մաշկը թեփոտել:
Սառը կլիմայական պայմաններում հնարավոր է շշի մեջ առաջանան բյուրեղային միացություններ: Դա չի ազդում լուծույթի հատկությունների վրա: Բյուրեղները կանհետանան սենյակային ջերմաստիճանում:
Մաշկը գրգռվելու դեպքում դադարեցնել հետագա կիրառումը: